БНХАУ-ын #metoo хөдөлгөөн төдийгүй Хонконгийн жагсаалыг дэмжигч сэтгүүлч эмэгтэй эрх баригчдад баригдаад долоо хоног гаруйн хугацаа өнгөрсөн тухай найзууд нь мэдэгджээ. Найзуудынх нь ярьснаар цагдаагийн ажилтан сэтгүүлч эмэгтэйн паспортыг хурааж аван Хятадын нутаг дэвсгэрээс гарахыг хориглосон байна.

Хуанг Шүэкин нь Софиа Хуанг нэрээр сошиалд танигдсан бөгөөд энэ сарын 17-ны өдөр баригджээ. Энэ тухай мэдээллийг өгсөн найз нь улс төрийн нөхцөл байдлаас шалтгаалж нэрээ нууцлахыг хүссэн байна.

Софиа Хуанг өнгөрсөн зун наймдугаар сар хүртэл тогтмол Хонконгийг зорьж, жагсагчдыг дэмжин, эх газрын эрх баригчдыг зэмлэж байжээ. Эх сурвалжийн дамжуулснаар Хонконгийн жагсаалыг дэмжсэн хэд хэдэн зохиолч, тэмцэгч Бээжингийн цагдаад баригдаад байгаа юм.

Эрх баригчдыг эсэргүүцсэн жагсаалын үеэр Хонконг, Хятадын хооронд зорчсон хүмүүсийн гар утас, хувийн эд зүйлсийг харуул хамгаалалтын албаныхан шалгаж байсан гэжээ. Тухайлбал найзууд нь жагсаалд оролцсон тухай мэдээлэлтэй холбогдуулан Британийн Консулын албаны ажилтанг хоёр долоо хоногийн турш саатуулсан хэрэг гарсан байна.

Засгийн газарт баригдаад байгаа Софиа Хуанг эмэгтэйчүүдийн бэлгийн дарамт, хүчирхийлэлд өртөх үзэгдлийг эсэргүүцэж #metoo хөдөлгөөнд уриалагчдын нэг юм. 2018 онд хийсэн судалгаагаар 416 эмэгтэй сэтгүүлчийн 84 хувь нь ажлын байран дээрээ бэлгийн дарамтад өртөж байснаа хүлээн зөвшөөрчээ.

 

 

Эх сурвалж: www.cnn.com

---