Улсын хэмжээнд 2017 оны жилийн эцсийн байдлаар 11939 сувилагч ажиллаж, нэг эмчид ногдох сувилагчийн харьцаа 1:1,2 байна. Бид энэхүү харьцааг 5 жилийн хугацаанд 1:2 болгох зорилтыг тавьж байна.
Энэхүү зорилтдоо хүрэхийн тулд дараах 3 үйл ажиллагааг хэрэгжүүлнэ.

1.Судалгаагаар сувилагч мэргэжил эзэмшсэн 10000 гаруй мэргэжилтэн эзэмшсэн мэргэжлээр ажиллахгүй мэргэжлээсээ холдсон, лицензийн хугацаа дууссан байдалтай байгаа бөгөөд тэднийг мэргэжлээрээ ажиллахад дэмжлэг үзүүлэхээр төлөвлөж байна. Бид эдгээр сувилагч нарт зориулан 14 хоногийн сургалтын хөтөлбөрийг боловсруулан сургалт зохион байгуулах сургууль, эмнэлгүүдтэйгээ хамтран ажиллах бэлтгэлээ хангалаа. Сувилагч нарынхаа мэргэжлийн үйл ажиллагаа эрхлэх зөвшөөрлийг сэргээнэ.

2.Анагаахын чиглэлээр мэргэжилтэн бэлтгэж байгаа 12 сургуульд сувилагч мэргэжилтэнг бэлтгэх анги нээх, сургалтын бааз эмнэлэгтэй хамтран ажиллахыг дэмжих, төгссөн сувилагч нарыг ажлын байраар хангах зэрэг ажлыг эрчимтэй зохион байгуулна.

3.Төгсөлтийн өмнөх болон дараах сургалтыг удирдаж байгаа сувилагч-багш нарыг арга зүйн тусгайлсан сургалтанд хамруулж, багшлах ур чадварыг дээшлүүлнэ.

Эрүүл мэндийн яамнаас 2020 гэхэд эмч, сувилагчийн харьцааг “1:2”-т хүргэх зорилтын 50 хувийг биелүүлсэн байхаар төлөвлөн ажиллаж байна.
Энэхүү зорилтыг хэрэгжүүлэхэд манай эрүүл мэндийн байгууллагын удирдлагууд, мэргэжлийн нийгэмлэг, холбоод, сургалтын байгууллагууд, сувилагч мэргэжилтнүүд дэмжин ажиллахаа илэрхийлээд байна.

---