Японы нутаг дэвсгэрийг Хагибис далайн шуурга дайран өнгөрснөөс хойш 42,000 айл усгүй хэвээр байгааг ТАСС агентлаг мэдээлжээ. Хүчтэй далайн хар салхины улмаас тус улсын найман мужид хөрс гулссан гэж Японы хэвлэл мэдээллийн хэрэгслээр дамжуулсан байна.

Фукушима мужид байдал хамгийн хүнд буюу 35,000 айл усгүй байгаа юм. Далайн шуурганы улмаас амиа алдсан иргэдийн тоо 84-т хүрсэн ба есөн иргэн олдоогүй хэвээр байна.

Хар салхины улмаас Японы 70 гаруй гол мөрөн савнаасаа хальж үерлэсэн. Эрэл хайгуул, аврах ажиллагаа үргэлжилсээр байна.

 

Эх сурвалж: https://tass.com/

---