The Guardian-ын мэдээлснээр Курдын зэвсэгт дайчид Сирийн хилийн дагуух хот тосгодын нэг Рас аль Айныг орхин гарсан байна. Тус тосгоныг чөлөөлснөөр Туркийн цэргүүд хяналтаа тогтоолоо.

Турк улсын Батлан хамгаалах яамны мэдэгдсэнээр 86 тээврийн хэрэгсэл бүхий цуваа ням гарагийн үд дундад хотоос явж, Курдын Сирийн ардчилсан фронтын дайчид тосгоныг орхисон байна.

Сирийн ардчилсан фронтын төлөөлөгч Кино Габриелийн хэлснээр АНУ-ын зуучилсан хилийн дагуу тав хоногийн турш гал зогсоох хэлэлцээрийн нэг хэсэг болгож сууринг чөлөөлсөн гэж мэдэгдэв.

Харин Кобане, аль Дарбасия хотуудад Курдын зэвсэгт дайчид байрласаар байгаа юм. Хэдийгээр түр гал зогсоох хэлэлцээр байгуулагдсан ч Турк болон Курдын талууд харилцан нэгнээ хэлэлцээрийг зөрчиж гал нээж байна хэмээн буруутгасан байна.

 

 

Туркийн Ерөнхийлөгч Режеп Тайип Эрдоган хэрэв заасан хугацаанд курдууд хилийн бүсийг бүрмөсөн орхихгүй бол дайралтаа үргэлжлүүлнэ гэдгээ анхааруулсан юм. АНУ-ын Ерөнхийлөгч Дональд Трамп өнгөрсөн долоо хоногт өндөр дээд албаны төлөөлөгчдөө Анкара руу илгээж 120 цагийн турш гал зогсоох хэлэлцэээр байгуулсан билээ.

 

Эх сурвалж: www.theguardian.com

---