2018 оны төсвийн хөрөнгө оруулалт 250 тэрбум төгрөг байсан бол 2019 онд 1,6 их наяд байсан. Харин 2020 оны төсвийн хөрөнгө оруулалтыг 3,6 их наядаар төсөвлөжээ. Төсвийн хөрөнгө оруулалтыг ингэж огцом нэмснийг сонгуультай холбож ойлгох хүмүүс багагүй байна. Өөрөөр хэлбэл, сонгуульд зориулсан төсөв баталлаа гэж хардаж байна. 

Түүнчлэн 2020 оны улсын төсөвт Хэнтий аймагт 140 тэрбумыг хуваарилсан бол Говьсүмбэр аймагт 1,7 тэрбум, Орхон аймагт 6 тэрбум гэх мэтээр харилцан адилгүй хуваарилжээ. Энэ бол Ерөнхий сайд У.Хүрэлсүх, ЗГХЭГ-ын дарга Л.Оюун-Эрдэнэ нар эрх мэдлээ ашиглан өөрсдийн тойрогтоо илүү төсөв хуваарилж байгаа явдал гэж УИХ-ын зарим гишүүд үзэж байна. Ерөнхий сайдын тойрогт 140 тэрбумыг хуваарилсан нь 2018 оны төсвийн хөрөнгө оруулалтын 60 хувьтай тэнцүү юм. 

Сөрөг хүчин болох АН-ынхан үүнийг ашиг сонирхолын зөрчил гэхээс илүү албан тушаалын гэмт хэрэг хэмээн үзэж байна. 

 

 

---