БРЕКСИТ гэдэг нэрийг сонсоод Их Британи Европын холбооноос өрх тусгаарлаж буй адармаатай үйл явдлыг санагдуулах нь гарцаагүй. Хэрэв товлосон ёсоор энэ сарын 31-ний өдөр гэхэд Их Британи Европын холбооноос гарчихвал олон хүн шинэ ирээдүйн төлөө хундага тулгана гэж Францын дарс үйлдвэрлэгч Golden Emotion компани үзжээ.

Тиймээс Брексит нэртэй 24 каратын алтан тунадастай онцгой дарсыг цөөн тоогоор үйлдвэрлэсэн байна. Их Британий төрийн далбаагаар чимэглэсэн, алтан ширхэгтэй дарсны лонхон дээр “Брексит. Бид түүхийг бүтээв” гэж бичжээ. Оргилсон франц Chardonny дарсыг одоогоор 138 фунт стерлинг буюу 173 ам.доллараар, харин Rose амттайг нь 185 ам.доллараар худалдаалж байна.

 

 

Golden Emotion франц дарсны компани лонхнуудаас гадна Брексит гэсэн үнэртэй усны сав, лаа зэргийг үйлчлүүлэгчдэдээ санал болгожээ. Хэдийгээр энэ үг Британийн түүхэнд тодоор бичигдэх ч тоймгүй их маргаан дагуулж байгаа билээ. Худалдаанд гарснаас нь хойш францууд британи найзууддаа зориулж худалдаж авах нь элбэг байна гэжээ.

 

Эх сурвалж: www.cnn.com

---