Э.Амаржаргал, Ч.Наранзаяа гэх хоёр эмэгтэйд хүч хэрэглэн бэлгийн харьцаанд орсон гэмт хэрэгт буруутгагдаад байгаа УИХ-ын гишүүн асан Д.Гантулгыг шүүх хурал энэ пүрэв гарагт ХУД-ийн Эрүүгийн хэргийн анхан шатны шүүхэд 09.30 цагаас болох тов гарчээ. Нийслэлийн прокурорын газраас Д.Гантулгад Эрүүгийн хуулийн 12.1.1 дэх зүйл заалт буюу хүчиндэх гэмт хэргээр яллах дүгнэлт үйлдэн ирүүлээд байгаа юм.

Д.Гантулга нь Ч.Наранзаяа гэх эмэгтэйг хүчиндсэн гэх хэрэгт нэр холбогдсоныхоо дараа өөрийнхөө хүсэлтээр УИХ-ын гишүүний албан тушаалаасаа чөлөөлөгдөж байсан бөгөөд гэм бурууг шалгах явцад Э.Амаржаргал гэх эмэгтэйг хүчиндэхийг завдсан гэх өөр хэрэгт давхар холбогдоод байгаа билээ. Шүүхээс Д.Гантулгыг гэм буруутай гэж үзвэл тэрбээр тав хүртэлх жилийн хорих ял эдлэх юм.  

---