Сайд нарын гэх тодотголтой Улсын хоёрдугаар төв эмнэлгийн дөрвөн давхрын мэс заслийн тасгийн урагшаа харсан цонхноос өнөөдөр өглөө 06.00 цагийн үед хүн унаж нас барлаа гэх мэдээллийг нэрээ нууцлахыг хүссэн эх сурвалж өглөө. Өндрөөс унасан хүнд эрчимт эмчилгээ хийсэн боловч 08.50 цагийн үед амьсгал хураасан гэв.

Уг мэдээллийг бид ЦЕГ-ын Хэвлэл мэдээллийн төвөөс тодруулахад “Өнөө өглөө 06.00 цагийн үед Улсын хоёрдугаар төв эмнэлгийн цонхоор хүн уналаа гэдэг дуудлага мэдээлэл ирсэн нь үнэн. Хэргийн газарт дуудлагын дагуу цагдаагийн бие бүрэлдэхүүн очиход өндрөөс унасан хүний бие маш муу байсан. Нас бараагүй” гэв. Бид хэргийн талаар эргэн мэдээлэх болно. 

---