МАН-ын бүлэг өнөөдөр хуралдаж 2020 оны төсвийн талаар хэлэлцсэн. Ингээд төсвийг 2,3,4-ээр хэлэлцүүлэгт шилжүүлэх ажлын хэсэг байгуулахаар тогтсоноо хэллээ. Ажлын хэсгийг УИХ дахь намуудын бүлэг, зөвлөлөөс оролцуулж байгуулах юм байна. 2020 оны төсвийн орлогыг 11.8 их наяд байхаар  зарлагыг 13.9 их наяд төгрөг байхаар тооцоолсон юм.

Тэгвэл 2020 оны төсөвт өнгөрсөн онуудад царцаагдаж үлдсэн 23 объектийг барих зардлыг суулгаж өгчээ. Ингэхдээ гурван гол зүйлд анхаарал хандуулж байгааг Сангийн сайд онцоллоо. Тухайлбал, царцаагдсан барилгууд ихэнхдээ өртгөө нэмдэг. Үүнийг экспертизийн дүгнэлтээр баталгаажсан эсэхийг гэдгийг шалгана. Мөн санхүүжилийг нь шийдэнгүүт объект ажиллаж эхлэх ёстой анхаарах. Үүнээс гадна санхүүжилтээ авч чадаагүй байж байгаад бариад дуусгасан бол мөнгий нь шийдэж өгөх гэсэн гол зүйлүүд дээр төвлөрч байгаа юм байна.

Ингэхдээ 23 төсөл дээр нийт 23 тэрбум төгрөг төсөвлөсөн байна. Мөн 2018 онд төсийн тухай хууль батлагдсанаас болж ажлаа хийж чадаагүй 38 төсөл дээр 34,8 тэрбум төгрөгийн санхүүжилтийг буцааж олгохоор болжээ. Царцаагдсан барилгуудын дийлэнх нь эмнэлэг, сургуулийн барилга байдаг юм. 

 

---