Цагдаагийн байгууллагад цахим сүлжээ, хуурамч гэрээ, сүлжээний бизнесээр халхавчилсан залилах гэмт хэрэг бүртгэгдсээр байна.

Үүний нэг жишээ нь 2019 оны аравдугаар сарын 09-ний өдөр иргэн Т-ээс “Манай найз Б-ийн фэйсбүүк чатнаас найздаа 400,000 төгрөг нэг хүнд шилжүүлээд өгнө үү. Орой буцаагаад өгье гэжээ. Гэтэл найз маань фэйсбүүкээ хакердуулсан байв, үүнийг шалгаж өгнө үү” гэсэн мэдээлэл цагдаагийн байгууллагад иржээ.

Залилах гэмт хэрэг өнгөрсөн онд 2978 бүртгэгдсэн бол энэ он гарсаар 3162 бүртгэгдээд байгаа юм. Энэ нь өмнөх оны мөн үеэс 6.7 хувиар өссөн үзүүлэлт аж.

Иймд иргэд та бүхэн их хэмжээний мөнгө бага хүүтэй зээлнэ, дансанд мөнгө шилжүүлснээр азтан болно хэмээн харилцаж буй хүн бол гэмт этгээд гэдгийг үргэлж санаж, мессеж бичихгүй байх, бусдад нууц кодоо алдахаас урьдчилан сэргийлэхийг цагдаагийн байгууллагаас сэрэмжлүүллээ. 

---