ХУД-ийн Эрүүгийн хэргийн анхан шатны шүүхээс энэ оны долдугаар сарын 24-нд Засгийн газрын гишүүн, Эрчим хүчний сайдаар ажиллаж байсан М.Сономпилд нээлттэй хорих ангид дөрвөн жилийн хорих ялыг оноосон. М.Сононпил Нийслэлийн давж заалдах шүүхэд хандсан ч анхан шатны шүүхээс гаргасан ялыг өнөөдөр хэвээр үлдээсэн байна. 

Шүүхээс Засгийн газрын гишүүн, Эрчим хүчний сайд асан М.Сономпилыг Эрүүгийн хуулийн тусгай ангийн 22.4 дүгээр зүйлийн 4-т заасан “...нийтийн албан тушаалтан хахууль өгөгчийн ашиг сонирхлын үүднээс хийх ёсгүй үйлдлийг хийж, бусдаар дамжуулан хахууль авсан...” гэмт хэргийг үйлдсэн гэм буруутайд тооцож, гэмт хэрэг үйлдэж олсон 266 сая төгрөгийг улсын орлого болгохоор зааж, түүнд авсан хувийн баталгаа гаргах болон Монгол Улсын хилээр гарахыг хязгаарласан хязгаарлалт тогтоосон таслан сэргийлэх арга хэмжээнүүдийг өөрчилж, цагдан хорьж шийдвэрлэсэн юм. 

---