"Дархан Дулааны Цахилгаан Станц" ТӨХК одоо байгаа хүчин чадлаа 35МВт/ц-аар нэмэгдүүллээ. Дарханы дулааны станц дээр 2012 оноос ХБНГУ-ын хөнгөлттэй, урт хугацааны зээлийн хөрөнгөөр өргөтгөх шинэчлэлийн ажил хийгдэж эхэлжээ.

Станцийг 35 МВт/ц -аар нэмснээр цахилгаан эрчим хүч үйлдвэрлэл 30 хувь өсч, Дархан хотын эрчим хүчний өсөн нэмэгдэж буй хэрэгцээг ирэх 15-20 жилд найдвартай хангах эх үүсвэртэй бий болж байгаа ажээ. Мөн манай улсын импортоор авдаг эрчим хүч буурах ч боломж бүрдэж байгаа юм. 

“Дархан Дулааны Цахилгаан Станц” ажТӨХК-ийн суурийг 1963 онд тавьж, 1965 онд анхны үндсэн тоноглолуудыг ашиглалтанд оруулж байжээ. Түүнээс хойш өнгөрсөн 54 жилийн хугацаанд түүхэндээ 3 дахь удаагийн томоохон шинчлэл хийж буй нь өнөөдрийн шинэчлэл юм байна. 

 

---