Агаарын бохирдол хүний эрүүл мэндэд олон талын хор хөнөөлтэй гэдгийг бид мэднэ. Тэгвэл Тайваний эрдэмтдийн хийсэн судалгаагаар хэт өндөр агаарын бохирдол амны хөндийн хорт хавдар тусах эрсдэлийг нэмдэг гэжээ.

 

 

Эрдэмтэд судалгааг улс орон даяар байрлуулсан агаарын чанар хянах 66 төхөөрөмжийн мэдээллийг 40 орчим настай 480,000 хүний өвчний түүхтэй харьцуулсан байна. Гэтэл судалгаанд оролцсон хүмүүсийн 11,617–д амны хөндийн хорт хавдар илэрчээ.

Судалгаанд оролцсон хүмүүсийг дан ганц агаарын бохирдлоор шүүж судлахаас гадна амны хөндийн хорт хавдар үүсгэж болзошгүй  тамхи, бохь зажилдаг эсэхийг нь харгалзаж үзсэн байна. Агаарын бохирдлын PM2.5 түвшин хамгийн өндөр заалтыг заасан бүс нутгийн оршин суугчид амны хөндийн хорт хавдар тусах эрсдэл хамгийн их байжээ.

Мэргэжилтнүүд  судалгааны дүн бүрэн гүйцэд нотлогдоогүй, дахин шалгаж нягтлах шаардлагатай гэдгийг нийтлэлдээ анхааруулжээ. Дэлхийн эрүүл мэндийн байгууллагын мэдээлснээр Кабул, Бээжин, Дели хотууд агаарын бохирдлоороо тэргүүлж байна.

 

 

“Агаарын бохирдол хөх, элэг, уушги, нойр булчирхайн хорт хавдар тусах эрсдэлийг нэмдэг гэдгийг өмнөх судалгаануудаар харуулсан. Харин амны хөндийн хорт хавдрын эрсдлийг нэмдэг гэсэн Тайваний эрдэмтдийн судалгаа цочролд орууллаа” гэж Их Британийн эрдэмтэд ярьжээ.

Эх сурвалж: www.theguardian.com

---