Мексикийн гэмт бүлэглэлийн толгойлогч Хоакин “Эль Чапо” Гузман нь Гондурас улсын одоогийн Ерөнхийлөгчийн төрсөн дүүд сая ам.долларын авлига өгсөн гэж АНУ-ын прокурорууд үзжээ. Уг мөнгө Гондурасын төрийн тэргүүн Хуан Орландо Хернандезийн халаасанд орж, сонгуулийн кампанид ажилд зарцуулсан байж магадгүй хэмээн сэрдэж байна.

Төрийн тэргүүний дүү Хуан Антонио Хернандез буюу Тони нэрээрээ олонд танигдсан эрхмийн шүүх хурал Нью-Йорк хотноо эхэлжээ. Тони өнгөрсөн жилийн 11 дүгээр сард хар тамхи, мансууруулах бодисны эсрэг ажиллагааны үеэр Майамигаас баривчлагдсан байна.

Харин уг хэрэгт нэр холбогдоод буй Гондурасын Ерөнхийлөгч энэ бол 100 хувь худал, утга учиргүй, шогийн мэдээлэл гэж мэдэгджээ. Ерөнхийлөгч Хуан Орландо уг мэдээллийг “Алис гайхамшгийн оронд” гэх ид шидийн хүүхдийн зохиолтой адилтган эрс үгүйсгэсэн байна.

 

 

Нью-Йоркийн прокурорууд Тонигийн эсрэг дөрвөн хэрэг үүсгэжээ. Эдгээр хэргүүд нь хууль бус мансууруулах бодисыг АНУ-д нэвтрүүлсэн, зэвсгийн хууль дүрэм зөрчсөнтэй холбоотой ба гэмт буруутай нь нотлогдвол бүх насаараа хоригдох ялтай. Гэхдээ Ерөнхийлөгчийн дүү хэргээ хүлээхээс татгалзсаар байгаа юм.

 

 

Эх сурвалж: www.bbc.com

---