Төв Азид, тэр дундаа Монгол улсын нийслэл Улаанбаатар хотод өвлийг өнгөрөөнө гэдэг ер бусын сонголт юм. Коммунист дэглэмийн үед дүнсийж байсан хот орчин цагт тэнгэр баганадсан өндөр барилгуудаар чимэглэгджээ. 

 

 

Энэ улсыг зорьсон аялагч жуулчид ихэвчлэн зун цельсийн 16-20 хэмийн дулаанд ирдэг. Харин би жилийн хамгийн хүйтэн үе тохиодог нэгдүгээр сард очихоор шийдсэн юм. Энэ үед цельсийн 30 хэмийн хүйтнийг заадаг. 12 дугаар сараас хойш бүх зүйл цас мөсөнд дарагддаг аж.

 

 

Дэлхийн ихэнхийг ноёлж байсан эзэнт гүрний түүх энэ улсад бий. Чингис хааны байгуулсан гүрэн 1,56 сая км кв нутаг дэвсгэртэй, 3 сая гаруй хүн амтай, хоёр гүрний дундах улс болжээ. Нийслэл хотод эрчим хүчний үйлдвэрлэл явуулж, ус дулааны асуудлаа хялбаршуулахын тулд нүүрс түлдэг. Улаанбаатар хот утаатай, амьсгалахад тун хүнд болжээ. 

 

 

Өвлийн улиралд Улаанбаатар аялал жуулчлалд тохиромжгүй. Агаар нь утаатай, зам нь цасанд дарагдсан, шөнийн цагт хөлдөх аюултай. Хотын ихэнх хүмүүс гэрт амьдардаг. Гэр бол нүүдэлчин удмынхны уламжлалт модон багана бүхий дугуй майхан. Голд нь байрлах зуухан дээр хоол хийж, орчноо дулаацуулдаг. 

 

 

Энд жилийн есөн сар орчимд нь хүйтэн цаг агаартай. Хоол хүнсний хувьд Орос, Хятад, төв Азийн бусад улсуудынхтай төстэй байв. Үндэсний хоол нь чанасан мах, Түвд маягийн баншнууд, сүүтэй цай. Ихэнх хоол нь өөх тос ихтэй хүнд байдаг. Монголчууд “эрчүүд мах иддэг, амьтад өвс иддэг” гэж хэлэх дуртай.

Хэрэв та хөл хөдөлгөөн ихтэй бужигнасан завгүй амьдралаас амсхийхийг хүсвэл хасах температур заасан Монголын хүйтэн улирлыг танд зөвлөе. Удахгүй тэнд өвөл болно.

Эх  сурвалж: www.news.abs-cbn.com , Мончет Оливс

 

---