Олон улсын лиценз бүхий хамгийн оюунлаг нэр хүндтэй TEDx үйл ажиллагааг Дарханд анх удаа зохион байгуулахаар бэлтгэж байгаа аж. 

TEDxDarkhan-д уригдсан нэр хүндтэй 15 илтгэгч, 1 зочин ярилцлагч нь уйтгартай оршил үг, асуулт хариултгүй, богино хэмжээний “час хийсэн” илтгэлүүд тавих юм. "TEDxDarkhan" үйл ажиллагаа 2019 оны 10 дугаар сарын 12-ны өдрийн Бямба гарагт The Big Q буюу Онцлох Асуулт гэсэн уриатайгаар зохион байгуулагдана. 

TEDx үйл ажиллагаа нь залууст эрмэлзэл, эрч хүч, урам зориг түгээдэг төдийгүй танилын хүрээгээ тэлэх, сонирхолтой үр өгөөжтэй хэлэлцүүлэг өрнүүлэх, нийгмийн асуудлуудыг хэн ямар бүтээлч, шинэлэг аргаар шийдэж байгаатай танилцах боломжийг олгодог гэж үздэг байна.

---