Индонезийн аялал жуулчлалын төв болсон Комодо арал дээр амьдардаг лууг хамгаалахын тулд арал руу аялагч жуулчдыг нэвтрэхийг ирэх жилээс эхлэн хориглоно хэмээн мэдэгдэж байсан. Эрх баригчид уг шийдвэрээ өөрчилж арал руу орж, луутай танилцахыг хүссэн жуулчдыг 1,000 ам.долларын гишүүнчлэлээр бүртгэхээр болжээ.

Одоогоор Комодо арлыг зорьсон жуулчид 10 ам.долларын тасалбар худалдаж авдаг байна. 2008 онд тус аралд 44,000 жуулчин ирсэн бол 2018 онд 176,000 болж өсчээ. Аралд хэт олон гадны жуулчин ирснээр энд амьдардаг луугийн амьдрах орчин нөхцөлд сөргөөр нөлөөлж байна гэж үзсэн байна.

Өнгөрсөн хугацаанд арлыг хаалттай бүс болгож, эргэн нээгээд ердөө жилийн хугацаа өнгөрч байгаа юм. Орон нутгийн захиргаа, хүрээлэн буй орчны яам Комодо аралд ирэх хүсэлтэй жуулчид жилд 1,000 ам.доллар төлөх нь зүйтэй гэсэн саналыг дэмжжээ.

 

 

Гишүүнчлэл дотроо хоёр төрөл байх ба Premium түвшний жуулчид 2,000 орчим луу амьдардаг Комодо аралд аялах эрхтэй бол энгийн түвшний жуулчид Комодогоос бусад үндэсний цэцэрлэгт хүрээлэнгийн арлуудад зочлох боломжтой юм байна. Комодогийн луунууд нь дэлхий дээр амьдарч буй хамгийн том хэмжээтэй гүрвэл бөгөөд гурван метр хүртэл өсч томордог байна. Хурц шүдтэй, хорт хазалттай луу гэж нэрлэсэн аварга гүрвэлийн 1,700 тоо толгой Комодод амьдардаг бол үлдсэн нь Ринка гэх арал дээр байдаг аж.

Комодо орчмын цэцэрлэгт хүрээлэн дэлхийн өв соёлын санд бүртгэлтэй байдаг байна.

 

Эх сурвалж: www.bbc.com

---