Саудын Араб улсын эдийн засгийн гол тулгуур нь газрын тос. Тус улс эдийн засгийн газрын тосноос хараат байдлыг бууруулахын тулд аялал жуулчлалын салбартаа түлхүү анхаарал хандуулах болжээ.

Гадаадын жуулчдыг татахын тулд 49 оронтой визний хөнгөлөлт үзүүлэх журам баталж, эмэгтэйчүүд зочдын хувцаслалтад тавьдаг хатуу шаардлагаа чөлөөлөх шийдвэр гаргасан байна. Аялал жуулчлалын сайд Ахмад а-Хатебын хэлснээр энэ бол Сауд Араб улсын хувьд түүхэн өөрчлөлт шинэчлэл юм.

Өнөөдрийг хүртэл мөргөлчид, бизнес эрхлэгчид, цагаач ажилчдын хувьд тус улсын виз авах амаргүй даваа байжээ. Энэ байдлыг халснаар аялал жуулчлалын салбарт гадны хөрөнгө оруулалтыг татаж, 2030 он гэхэд ДНБ-ий 10 хувийг дан ганц аялал жуулчлалын салбар бүрдүүлнэ гэж төлөвлөж байна. Одоогоор ДНБ-ий гурван хувийг тус салбараас бүрдүүлдэг аж.

 

 

Түүнчлэн Юнескогийн дэлхийн өвд бүртгэгдсэн таван гайхамшиг, үндэстний соёл, тансаг байгальтай танилцахыг хүссэн гадны эмэгтэйчүүд заавал Саудын эмэгтэйчүүдийн өмсдөг хувцсыг өмсөх шаардлага тавьдаг байсан юм. Шинэ бодлого хэрэгжиж эхэлснээр заавал тэр хувцсыг өмсөх шаардлагагүй болжээ. Гэхдээ улс орны соёл, нийгмийг хүндэлж зүй зохистой хувцаслахыг уриалсан байна.

 

Эх сурвалж: www.bbc.com

---