МУГЖ, дуучин Т.Ариунаа ирэх арваннэгдүгээр сарын 8-нд “Тэнгэр шиг бай” шоу тоглолтоо "Буянт-Ухаа"спортын ордонд хийхээр болжээ.

“Тэнгэр шиг бай” тоглолт үндсэн гурван хэсгээс бүрдэх бөгөөд гурван цаг хугацааны илэрхийлэлтэй, бүтэн гурван цаг үргэлжлэх аж. Тоглолтод Т.Ариунаагийн бүх цаг үеийн шилдэг гэсэн уран бүтээлүүд дуулагдах юм байна. Тэрбээр  хамтран дуулах дуучдаа  өөрөө сонгох аж. Бусдаар бол тоглолтын өмнө ямар нэгэн дуучин, хамтлаг дуулахгүй гэнэ.  

Тоглолтынхоо бэлтгэл болгож, яруу найрагч О.Дашбалбар агсны “Тэнгэр шиг бай” шүлгээр дуу хийж, дүрсжүүлэх юм байна. "Тэнгэр шиг бай"  тоглолтын талаарх дэлгэрэнгүй мэдээллийг аравдугаар сарын 9-нд болох хэвлэлийн бага хурлын үеэрээ өгнө гэв.

 Тоглолтын тасалбарын хувьд суудлаасаа хамаарч 30-120 мянган төгрөгийн хооронд зарагдаж эхэлжээ.

 МУГЖ Т.Ариунаа 'Тэнгэр шиг бай' тоглолтын бэлтгэл ажил LIVE

---