Жүдо бөхийн өсвөр үеийн дэлхийн аварга шалгаруулах тэмцээн хоёр дахь өдрөө үргэлжлэн явагдаж байна.
Өнөөдөр нэгэн сонирхолтой барилдаан болж өнгөрлөө. Охидын -52кг жинд тэмцээнийг зохион байгуулагч эзэн орон болох Казахстаны Саткиналиева Аяана Тажикстаны бөхтэй барилдахдаа дэвжээн дээр гар утастайгаа гарч ирсэн байлаа. Барилдааны явцад түүний жудогигоос гар утас нь унасан ба дэвжээний шүүгч ялалтыг шууд Тажикстаны бөхөд өглөө.
Хэдийгээр залуу бөх ч гэлээ дэлхийн аварга шалгаруулах тэмцээнд улсаа төлөөлөн оролцож буй тамирчны хувьд тун болчимгүй алдаа байлаа.
Өнөөдрийн медалийн төлөөх барилдаан 18:00 цагт эхэлнэ.
