Венесуэл улс төсвийн хомсдлыг арилгахын тулд цаасан мөнгө үйлдвэрлэсэн ч төлөвлөгөө бүтэлгүйтсэнээр барахгүй, инфляцийн өсөлт дийлдэхээ больж эдийн засаг нь уруудсаар байна. Олон улсын валютын сангийн нийтэлснээр энэ оны эцэс гэхэд Венесуэл улсад инфляцийн өсөлт 1,37 сая нэгжид хүрнэ гэлээ.

 

 

Өнгөрсөн долдугаар сард Олон улсын валютын сан инфляцийн өсөлтийг нэгдүгээр сараас хойш 13,000 хувь буюу хэдэн зуу, мянга дахин нэмэгдсэнээр оны эцэст сая нэгжид хүрнэ гэж тооцоолж байсан юм.

Тус улсад улс төрийн тогтворгүй байдал газар авч, газрын тосны гарц багассанаар гурав дахь жилдээ Дотоодын нийт бүтээгдэхүүн хоёр оронтой тоогоор буурч байна. Олон улсын валютын сангийн тооцоолсноор энэ онд Дотоодын нийт бүтээгдэхүүн 18 хувиар буурна гэжээ.

 

 

Венесуэлийн ойрын 70 жилийн түүхэнд газрын тосны салбар анх удаа хамгийн хүнд байдалд орлоо. Мөнгөн дэвсгэрт үнэгүйдэхийн хэрээр хоол хүнс, эм бэлдмэлийн хомсдол үргэлжилсээр. 

Ерөнхийлөгч Николас Мадуро 2013 онд сонгогдсоноосоо хойш инфляцийн өсөлттэй тэмцэхийн тулд цалингийн доод хэмжээг 24 удаа нэмсэн. Гэсэн ч улсын мөнгөн тэмдэгт боливарын ханш унасан тул ажилчид сард ердөө 20 доллартай тэнцэхүйц цалин авч байна.

 

Эх сурвалж: www.bloomberg.com

 

 

 

---