Шведийн цаг уурын өөрчлөлтийн эсрэг тэмцэгч 16 настай Грета Тунберг дэлхийн удирдагчдыг цаг уурын хямралын эсрэг хангалттай арга хэмжээ авч хэрэгжүүлэхгүй байна хэмээн загнаж бухимдсан билээ. Үүний дараа АНУ-ын Ерөнхийлөгч Дональд Трамп өөрийн Твиттер хуудастаа “Тэр яг л гайхалтай, гэрэлт ирээдүйг хүсэн хүлээж буй аз жаргалтай залуу эмэгтэй шиг санагдсан. Түүнтэй уулзахад таатай байлаа” хэмээн нийтэлжээ.

Уг жиргээг уншсан цахим хэрэглэгчид Трампыг насанд хүрээгүй хүүхдийг элэглэж шоолсон гэж зэмлэн буруушаасан байна. Трампын жиргээ олон нийтийн шүүмжлэлд өртсөний дараа Грета охин өөрийн Твиттер хуудасны био танилцуулгаа “гайхалтай, гэрэлт ирээдүйг мөрөөдсөн аз жаргалтай залуу бүсгүй” хэмээн өөрчилжээ.

 

 

Грета НҮБ-ын Ерөнхий Ассамблейн чуулга уулзалтад оролцохоор хүрэлцэн ирсэн дэлхийн удирдагчдыг хэзээ ч уучлахгүй, хүмүүс зовж шаналж үхэж байна, экосистем бүхэлдээ нуран унаж байна хэмээн сэтгэл хөдлөн бухимдаж хэд хэдэн удаа нулимс цийлэгнүүлсэн юм. Тэр хэдийгээр АНУ-ын Ерөнхийлөгч Трамп, өөр бусад удирдагчдын нэрийг дурдаагүй ч тэдэнд хандаж үг хэлсэн нь ойлгомжтой байжээ.

 

Эх сурвалж: www.cnn.com

---