Америкийн Лос Анжелест төрж өссөн ирээдүйтэй залуу жүжигчдийн нэг Меган Мэркл Их Британийн ханхүү Харритай танилцсан цагаасаа хойш жүжигчний замналаа орхиж гэр бүл зохион хатан хаан Элизабетийн удамд бүл нэмсэн билээ. Британийн хатан хааны удамд бүл нэмсэн цагаасаа хойш “Suits” телевизийн шоунд тоглохоос татгалзсан юм.

Тус шоунд Мэрклтэй хамт хайр сэтгэлийн холбоо үүсгэсэн дүрд тоглож байсан жүжигчин Патрик Адамс урьд өмнө олон нийтэд дэлгэж байгаагүй зургуудыг Инстаграм хуудсандаа нийтэлсэн байна. Тэд хоёр жилийн өмнө буюу 2017 он хүртэл “Suits” шоуны 1-7 дугаар улирлуудад хамтран тоглосон ба жүжигчин Адамс нь Майк Россын дүрийг бүтээдэг ажээ.

 

 

Адамс Сассексын гүнгийн авхайн шоунд тоглож байх үеийн дэггүй зургуудыг нийтлэхдээ шоу өндөрлөж байгааг зарлан, өнгөрсөн дурсамжаа эргэн санагалзаж буйгаа илэрхийлсэн байна. Түүний нийтэлсэн зургуудын нэгт Сассексын гүнгийн авхай шалан дээр хэвтэж, богино банзалтай хөлөө дээш сойсон байдалтай харагдсан нь олны анхаарлыг татжээ.

 

 

2017 оны 11 дүгээр сард Меган анх удаа ханхүү Харритай хамт хэвлэлийн хурал хийж долоон жилийн турш тасралтгүй гарсан шоуг орхих болсон гэдгээ албан ёсоор мэдэгдэж байсан юм. “Suits” шоуны сүүлчийн дугаар лхагва гарагт АНУ-д цацагдах юм байна. Энэ хооронд Меган нөхөр хүүхдийн хамт Өмнөд Африкт айлчилж байна.

 

 

Эх сурвалж: www.cnn.com

---