Дориан хар салхи Багамын арлуудыг дайран өнгөрөөд хоёр долоо хоног гаруйн хугацаа өнгөрсөн боловч Ийст Гранд Багамд дайн болсон мэт хэвээр үлджээ. Хэрэв та үхэл ямар үнэртэй байдгийг мэдэхийг хүсвэл энд ердөө хэдхэн секунд байхад л хангалттай.

Дайны талбар мэт хаа сайгүй амиа алдсан иргэдийн цогцос нуугдаж буй газруудыг цагдаагийн ажилтнууд малтаж, цэвэрлэхээс татгалзжээ. Энд ажиллаж буй сайн дурын ажилтан Патришиа Фрелингийн хэлснээр “цагдаа нар ийшээ ирэхийг хүсэхгүй байгаа. Учир нь тэд өөрсдийн хүмүүсээ үхсэн байдалтай харах маш хэцүү байна гэж хэлсэн” хэмээн ярьжээ.

 

 

Хар салхины үеэр нурж, эвдэрч сүйрсэн хог нурангин дор их хэмжээний цогцос байгаа гэж эрх баригчид үзэж байгаа юм. 51,000 оршин суугчтай байсан Ийст Гранд Багам аралд АНУ-ын эрүүл мэндийн баг ажиллаж байна. Тэтгэвэрт гарсан тэнгисийн цэргийн алба хаагчид, сувилагчид, зөвлөхүүд уг багт багтжээ.

 

 

Багамын арлуудад 50 орчим иргэн амиа алдсан гэдгийг тогтоосон ч мянга гаруй хүн сураггүй хэвээр байгаа юм.

 

Эх сурвалж: www.cnn.com

---