Өчигдөр шөнө /2019.09.20/-ны өдрийн 23:00 цагаас 2019.09.22-ны өдрийн 00:00 цаг хүртэлх хугацаанд Хайлаастын уулзвараас 7 буудал хүртэлх автозамын хөдөлгөөнийг бүрэн хаана.

Учир нь гэр хорооллыг хөгжүүлэх хөрөнгө оруулалтыг дэмжих хөтөлбөрийн хүрээнд СБД-ийн 14 дүгээр хороо, ЧД-ийн 18 дугаар хороонд хэрэгжиж буй Сэлбэ дэд төвийг Чингэлтэй төвтэй холбох ус, дулааны төв шугамын угсралтын ажил энэ зам дагуу хийгдэх юм байна. 

Тиймээс Хайлаастын уулзвараас 7 буудал хүртэл гурван цэгт зам сэтэлгээ хийх бөгөөд авто замын хөдөлгөөнийг бүрэн хаах юм. 

Мөн "Эв нэгдэл Улаанбаатар" Дуатлоны улсын аварга шалгаруулах тэмцээнийг өнөөдөр/2019.09.21/ зохион байгуулж буйтай холбоотойгоор Дүнжингарав худалдааны төвийн уулзвараас Амгалангийн төмөр замын гарам хүртэл 09:00-16:00 цагийн хооронд хаах юм байна. 

Улмаар Баянгол дүүргийн 10-р хорооллын автозамын борооны ус зайлуулах шугамын ажил хийх учир тус замыг түр хаах юм. Иймд хөдөлгөөнд оролцогч та бүхэн бусад замыг сонгон замын хөдөлгөөнд соёлтой оролцохыг Тээврийн цагдаагийн албанаас анхааруулж байна.

---