Хүнс, хөдөө аж ахуйн, хөнгөн үйлдвэрийн яамнаас зохион байгуулж буй “Намрын ногоон өдрүүд-2019” нэгдсэн арга хэмжээ үргэлжилж байна. "Намрын ногоон өдрүүд"-ийн хүрээнд үндэсний шилдэг бүтээгдэхүүн шалгаруулах арга хэмжээ зохиогдох гэж байна.  

Үндэсний шилдэг бүтээгдэхүүнийг дараах таван төрлөөр шалгаруулна:

-Хүүхдэд зориулсан хүнсний шилдэг бүтээгдэхүүн
-Шинэ нэр төрлийн хүнсний шилдэг бүтээгдэхүүн
-Орон нутгийн хүнсний шилдэг бүтээгдэхүүн
-Хүнсний экспортын шилдэг бүтээгдэхүүн
-Шилдэг органик бүтээгдэхүүн /шилжилтийн бүтээгдэхүүн байж болно/

Шалгаруулалтын материалыг Хүнс, хөдөө аж ахуйн, хөнгөн үйлдвэрийн яаманд 2019 оны 9 дүгээр сарын 23-ний Даваа гаригийн 10.00 цагаас өмнө хүлээн авч, шалгаруулалтыг 12.00 цагт явуулан, шилдэг бүтээгдэхүүний шагналыг 9 дүгээр сарын 24-ний Мягмар гаригт, “Намрын ногоон өдрүүд-2019” нэгдсэн арга хэмжээний хаалтын арга хэмжээний үеэр гардуулах ажээ. Шилдэг бүтээгдэхүүн нь шалгуур үзүүлэлтийг бүрэн хангасан байхаас гадна салбарын өрсөлдөх чадвар, хөгжилд хувь нэмэр оруулсан байдлыг харгалзан үзэх юм байна. 

 

---