Эрүүл мэндийн сайдын тушаалаар Улсын хоёрдугаар төв эмнэлгийн захирал, доктор Г.Баясгаланг ажлаас нь чөлөөлөн ЭМДЕГ-ын даргаар томилжээ.

Уг асуудлаас болж өнөө өглөө бүх ажилчид цуглан гаднаас шинэ захиралтай болохгүй, дотроосоо захирлаа томилох хүсэлтэй байгаагаа хэлэлцсэн байна. Дээрх асуудлыг хэлэлцэх үеэр Улсын хоёрдугаар төв эмнэлгээр үйлчлүүлэхээр ирсэн өвчтөнүүдийг эмч, сувилагч нар үзэхгүй байна гэсэн мэдээлэл манай LIVETV-д ирсэн юм. Бид мэдээллийн дагуу Улсын хоёрдугаар төв эмнэлэг рүү очиход ажил хэвийн үргэлжилж байв.

Одоогоор Эрүүл мэндийн сайд улсын хоёрдугаар төв эмнэлгийг захирлыг шинээр томилоогүй байгаа юм.

Тус эмнэлгийн эмч, сувилагч нарын зүгээс эмнэлгээ, ажиллагсдаа мэддэг эмчилгээ эрхэлсэн орлогч дарга Ц.Ганзоригийг Улсын хоёрдугаар төв эмнэлгийн захирлаар томилох хэрэгтэй гэсэн санал хүсэлтэй байгаагаа уламжлан хэлж байсан юм.

---