Монголын 3х3 сагсанбөмбөгийн "Архангай Алтан Дорнод" болон "Улаанбаатар Амазонс" багууд Мальдив улсын Мэйл хотноо Ази тивийн клубуудын аварга шалгаруулах "Asia Quest Final" тэмцээнд амжилттай оролцож байгаа бол манай шилдэг баг болох "Ulaanbaatar MMC Energy" баг Филиппин улсын Манилла хотноо "Manila Challenger" тэмцээнд оролцож байна. 

ФИБА 3х3 сагсанбөмбөгийн дэлхийн гранпри тодотгол дор өрнөдөг "Manila Challenger" тэмцээнд Ази, Европ тивийн 16 шилдэг баг өрсөлдөнө. Манай "Ulaanbaatar MMC Energy" багийн хувьд D хэсэгт Словенийн Кранж болон урьдчилсан хэсгээс тэмцээнийг зохион байгуулагч эзэн орон болох Филиппин улсын гурван багийн шалгарсан багтай нь хамт тоглох юм.

Тоглолтын хуваарь: /Улаанбаатарын цагаар/

• 15:00 цагаас Ulaanbaatar MMC Energy - Кранж /Словени/
• 16:35 цагаас Ulaanbaatar MMC Energy - урьдчилсан шатнаас шалгарсан багтай тоглох хуваарьтай байна. 

Мөн түүнчлэн өнөөдөр Ази тивийн клубуудын аварга шалгаруулах "Asia Quest Final" тэмцээнд оролцож буй "Архангай Алтан Дорнод" болон "Улаанбаатар Амазонс" багууд ээлжит учраануудтай тоглох ба манай багуудын эхний тоглолтын бичлэгийг үзэх болон өнөөдрийн тоглолтын хуваарьтай танилцахыг хүсвэл энд дарна уу.