- Үндсэн хуулийн нэмэлт, өөрчлөлтийн төсөл, түүний 2-р хэлэлцүүлэг тойрсон асуудалд Үндсэн хуулийн эрхзүйчид ямар байр суурьтай хандаж байгааг хүргэх үүднээс бид судлаач Д.Үүрцайхтай ярилцлаа. -

Үндсэн хуулийн нэмэлт, өөрчлөлтийн төслийн хоёрдугаар хэлэлцүүлэг ид явагдаж байна. Зарим судлаач, хуульчид Үндсэн хуулийн нэмэлт өөрчлөлтийн төсөлд байсан чухал заалтуудаа дэмжихгүй харин чухал бус бүр улс орны тусгаар тогтнолд заналхийлсэн заалтуудыг дэмжиж, хүч түрэн батлах гэж байна гэдгийг сануулж байна. Хэрэв Үндсэн хуулиа ийм маягаар баталвал улс оронд тогтворгүй байдал, үймээн самуун ч дэгдэж болзошгүйг тэд онцолж байна. 

Ер Үндсэн хуулиндаа өөрчлөлт оруулж байгаад төрийн эргэлт хийж, улс төрийн үймээн, цуст мөргөлдөөн үүсгэсэн улс орнуудын жишээ ч багагүй байдаг учраас манай улс Үндсэн хуулийн өөрчлөлтдөө илүү болгоомжтой хандах ёстойг ч сануулж байна. 

---