УИХ-ын гишүүн Ж.Батзандан "Үндсэн хуулийн нэмэлт өөрчлөлтийн төслийн хоёрдугаар хэлэлцүүлэгийн үеэр баялагийн ордуудын 51-ээс доошгүй хувийг Монголын ард түмэнд өмчлүүлэх ёстой гэх заалтыг эрх баригч нам өчигдөр унагасан учраас Шударга иргэдийн нэгдсэн эвслийн хоёр гишүүн одоогийн байдлаар картаа сугалчихаад хуралд орохгүй гэсэн байр суурьтай байна.

Одоо бол Үндсэн хуулийн нэмэлт өөрчлөлтүүд үндсэндээ бантан болж байна. Чухал заалтууд нь унаад дууслаа. Монголд хортой, Монголд хэрэггүй заалтуудыг эрх барих нам хэлэлцээд явж байна.

Хэрэгтэй заалтуудаа оруулж, хэлэлцүүлэхийн төлөө Шударга иргэдийн нэгдсэн эвслээс тэмцэл явуулна. Бид нар хамгийн эхэнд баялагийн сан, стратегийн ордны асуудлаа эхлээд ярих ёстой гэсэн байр суурьтай байгаа. Энийг шийдээгүй байж дараагийн асуудлаа ярих шаардлагагүй гэж үзэж байна.  

Ерөнхий сайд танхимаа бүрдүүлэх эрхийг нь өгөх ёстой. Гэхдээ үндсэн чиглэлийн Хууль зүйн яам, Сангийн яам, Гадаад харилцааны яам, Байгаль орчин, аялал жуучлалын яамны сайд нарыг УИХ-аас сонгох нь зүйтэй гэсэн байр суурьтай байгаа. 100 хувь гаднаас сайдуудаа томилно гэсэн туйлширсан бодлогоо зогсоох хэрэгтэй. Парламент, Засгийн газрын хоорондын  уялдаа холбоо байж төрийн ажил явдаг юм. Үндсэн хуулийн асуудалд үндэсний эрх ашгаа бодолцон нухацтай хандах хэрэгтэй. Засгийн газар, УИХ-ын уялдаа холбоог 100 хувь салгах юм бол чанаргүй Засгийн газар, чанаргүй сайдууд бий болж Засгийн газар жил болгон унадаг ийм тогтолцоо руу орно. 

---