Үндсэн хуулийн нэмэлт, өөрчлөлтийн төслийн 2-р хэлэлцүүлэг дээр УИХ-ын цөөнгүй гишүүдийн эсэргүүцэлтэй тулгарч буй заалтуудын нэг нь Ерөнхий сайд танхимаа өөрөө бүрдүүлдэг байх заалт. Энэ заалтыг УИХ-ын чуулганаар хэлэлцэх жагсаалтаас таван удаа хойшлуулаад байгаа юм. Уг нь Ерөнхий сайд танхимаа өөрөө бүрдүүлдэг байх нь Засгийн газар тогтвортой байх амин сүнс хэмээн судлаач, хуульчид үзэж байна. Гэвч энэ заалтыг өчигдөр/2019.09.06/ хэлэлцүүлэх явцад УИХ-ын гишүүн Б.Ундармаа, Б.Чойжилсүрэн, Л.Болд, Ц.Даваасүрэн, Д.Сумъяабазар, М.Билэгт, О.Баасанхүү, А.Сүхбат нарын хэд хэдэн гишүүн дэмжээгүй ажээ. Дээрх гишүүдээс Ерөнхий сайд танхимаа бүрдүүлдэг байх тогтолцоог яагаад дэмжихгүй байгааг бид тодруулж байна. 

УИХ-ын гишүүн А.Сүхбат: 

- Эцсийн байдлаар шийдвэр гараагүй л дээ. Ахиад санал хураах нөхцөл байдал үүссэн. Дэмжихгүй байх шалтгаан байна. Парламентийн засаглалтай улс оронд Засгийн газрынхаа нөхцөл байдлыг сайн харж, бодож шийдвэр гаргах ёстой. Ер нь Үндсэн хуулийн өөрчлөлт бол ард нийтийн бодол, хүсэл. Тиймээс ард нийтийн саналыг сонсох ёстой.

---