УИХ-ын нэр бүхий гишүүд хуралдаа суухгүй, Үндсэн хуулийн хэлэлцүүлэгт оролцохгүй байгаа талаар Ц.Нямдорж сайд шүүмжилсэн.

УИХ-ын гишүүн О.Содбилэг гишүүн тухайн үед яагаад хуралдаа суугаагүй талаар тодруулахад тэрбээр, тухайн үед бүлгийн даргадаа мэдэгдээд явсан. Тэгэх шалтгаантай байсан.

Миний багийн маш сайн дотнын найз маань бурхан болоод ажил явдалд нь оролцсон юм. Найзын хувьд ажил явдалд нь оролцож, ээжтэй нь уулзсан. Үндсэн хуулийн нэмэлт өөрчлөлтийн хэлэлцүүлэгт оролцож байгаа. Ажлын хэсэгт орж ажилласан. Уг асуудалд дэмжих зүйл дээрээ дэмжээд дэмжихгүй зүйл дээрээ дэмжихгүй оролцоод явж байгаа. Өнгөрсөн долоо хоногийн нэг дэхь, хоёр дахь өдөр УИХ-ын чуулган зарлагдсан өдөр хуралд оролцоод явах байсан ч зарим гишүүд ирээгүй тул ирц хүрээгүй. Ийм учраас уг асуудлыг хаяж явсан зүйл байхгүй. Хувийн асуудал тохиолдсон тул ажил явдалд нь оролцсон юм. Үндсэн хуулийн нэмэлт өөрчлөлтийн асуудалд бүх талын оролцоог хангах хэрэгтэй талаарх миний байр суурь хэвээрээ байгаа.

 

---