Улсын аварга Э.Оюунболдод олгосон “Улсын аварга” цолыг хурааж, барилдах эрхийг нь хоёр жилээр хасах шийдвэрийг Үндэсний их баяр наадмыг зохион байгуулах салбар хорооноос гаргасан гэх мэдээлэл цацагдсан.

Уг мэдээллийн дараа Улсын аварга Э.Оюунболд Баяр наадмыг зохион байгуулах хорооны холбох шийдвэрийн хэрэгжилтийг түдгэлзүүлэх өргөдлөө Захиргааны хэргийн анхан шатны шүүхэд өнгөрөгч баасан гарагт албан ёсоор гаргасан юм.

Баяр наадмыг зохион байгуулах хорооноос Улсын аварга Э.Оюунболдын цолыг хураах тухай саналаа Монгол Улсын Ерөнхийлөгчийн тамгын газарт хэзээ хүргүүлсэн, уг саналыг хэрхэн шийдвэрлэхийг тус газрын нэрээ нууцалсан эх сурвалжаас тодруулахад “Улсын аварга Э.Оюунболдын цолыг хураах тухай ямар ч албан бичиг одоогоор ирээгүй байна. Ирсэн байлаа ч уг хорооны саналаар бус харин Допингийн эсрэг үндэсний төвөөс ирүүлсэн албан ёсны шийдвэрт үндэслэн Баяр наадмын тухай хуульд заасны дагуу шийдвэрлэдэг” гэв.

 

---