ОХУ-ын Агаар-сансрын хүчний гвардын 234 дүгээр нисэх хорооны “Русские витязи” багийн уран нислэгийн үзүүлбэрийг Хүй долоон худгаас шууд дамжуулан хүргэж байна. Оросын нисгэгчид СУ-30 онгоцоор үзүүлбэр үзүүлж байна.  “Русские витязи” буюу "Оросын хуягт баатрууд" нь ОХУ-ын Агаарын нисэх хүчний уран нислэгийн мастерууд, шилдэг нисгэгчдийн баг юм. "Оросын хуягт баатрууд"  1991 онд Кубинка нисэх хүчний баазад зургаан ширхэг Сухой Су-27 нисэх онгоцны хамт байгуулагдаж байжээ. Шилдэг мастер нисгэгчдийн баг анхны үзүүлбэрээ ЗХУ-ын үед буюу 1991 оны есдүгээр сард Их Британийн тэнгэрт үзүүлсэн түүхтэй. 

---