Дэлхийн хүчилтөрөгчийн 20 хувийг дангаараа үйлдвэрлэдэг манай гарагийн уушги болсон Амазоны ширэнгэн ой шатаж байгаад олон улсын удирдагчид сэтгэл зовниж байна. Өнгөрсөн өдрүүдэд Францын Биарриц хотод болсон Бүлэг 7 орны дээд хэмжээний уулзалтаар Ерөнхийлөгч Эммануэль Макрон түймрийг унтраахад хувь нэмрээ оруулахыг хүсч хандивын аян эхлүүлсэн.

Макроны хүчин чармайлтаар түймэртэй тэмцэхэд 22 сая ам.долларын тусламжийн сан бүрдсэн боловч Бразил улс олон улсын тусламжаас татгалзлаа. Бразилийн Засгийн газар Бүлэг 7 орны дэмжлэгээс татгалзсан шалтгаанаа албан ёсоор мэдэгдээгүй боловч Франц улсын төрийн тэргүүнийг колони улс мэт харьцсанд зэмлэн буруушааж байгаа юм.

Бразил улсын Батлан хамгаалахын сайд Фернандо Азеведо э Сильва түймэр хяналтаас гараагүй ба 44,000 цэргийг түймрийг унтраах, Амазон дахь хүрээлэн буй орчны гэмт хэрэгтэй тэмцэхэд туслуулахаар тараан байршуулсан гэлээ. Тус улсын Ерөнхийлөгчийн тамгын газрын дарга Оникс Лорензони “Баярлалаа. Гэхдээ энэ мөнгө Европыг дахин ойжуулахад илүү хэрэгтэй байх” гэж хэлснийг Globo мэдээллийн сайтад нийтэлсэн байна.

 

 

Эх сурвалж: www.bbc.com

---