Халх голын дайны ялалтын 80 жилийн ойг тохиолдуулан ОХУ-ын 234 дүгээр нисэх хорооны “Русские Витязи” багийн нисгэгчид Хүй долоон худагт маргааш 13.00-15.00 цагийн хооронд СУ-30СМ байлдааны онгоцоор үзүүлэх тоглолт хийнэ. Нисэх үзүүлбэрийн дараа “Алдар” спорт хорооноос бэсрэг наадам зохион байгуулж, үзүүлбэрийг үзэхээр очсон хүмүүсийг хөгжөөх аж. Нисэх үзүүлбэрийг үзэх сонирхолтой иргэдийг Төв цэнгэлдэх хүрээлэн, Офицеруудын ордон, Таван шараас их багтаамжийн хоёр автобус 10.20, 10.30 цагуудаас Хүйн долоон худаг руу тус тус хүргэж үйлчлэх юм байна.

---