Швейцари улсын Лоусанне хотноо өнөөдөр 3х3 сагсанбөмбөгийн "Lausanne Masters-2019" тэмцээн эхэлж байна.
Ойрын хэдэн өдрүүдэд 3х3 сагсанбөмбөгийн хэд хэдэн томоохон тэмцээнүүдэд манай багууд амжилт дүүрэн оролцож байна. 18 хүртэлх насны Ази тивийн аварга шалгаруулах тэмцээнд оролцож буй манай эмэгтэй, эрэгтэй багууд хэсгээсээ шалгарч шөвгийн 8-д тоглох эрхтэй болоод байгаа бол яг одоо Ulaanbaatar MMC Energy баг маань "Lausanne Masters-2019" тэмцээнд тоглох гэж байна. Манай багийн хувьд А хэсэгт уг тэмцээнд чансааг тэргүүлэн оролцож буй Сербийн Лиман, Францийн Нантес Адерим багуудтай орсон байна.
Манай багийн өнөөдрийн тоглолтын хуваарь: /Улаанбаатарын цагаар/
- 23:05 цагт Сербийн Лиман багтай
- 01:40 цагт Францийн Нантес Адерим багтай тус тус тоглох хуваарьтай байна.
