НҮБ-ын хүүхдийн сангаас баруун болон төв Африкийн нутагт 1,9 сая хүүхэд хүчирхийлэл, зэвсэгт мөргөлдөөн, аюултай байдлаас улбаалж албадан сургууль завсардсан болохыг мэдээлжээ. Түүнчлэн энэ жилийн зургадугаар сард Буркина Фасо, Камерун, Төв Африкийн Бүгд найрамдах улс, Чад, Бүгд найрамдах Ардчилсан Конго, Нигери, Нигер зэрэг есөн улсад 9,000 гаруй сургууль хаалгаа барьсан байна. Энэ нь 2017 оноос хойш гурав дахин өссөн үзүүлэлт юм.

Боловсролын салбарын 44,000 багш ажилтан ажлын байраа алдсанаас гадна сургуулийн насны хүүхдүүд хичээл сургуульд яваагүйгээс болж эрт гэрлэх, өсвөр насны хүсээгүй жирэмслэлт нэмэгдэх эрсдлийг дагуулж байна. Энэ жил дэлхийн хэмжээнд гарсан сургуулийн халдлага дайралтын ¼ нь төв, баруун Африкийн таван улсад бүртгэгджээ. Тэр дундаа Мали улсад хамгийн их хүүхдүүд хохирсон ба 900 сургууль хаалгаа барьжээ.

 

 

Малигийн Сэгөү мужид амьдардаг 12 настай Фатоумата охины ярьснаар 2017 онд муу залуус ирснээс хойш сургуульдаа яваагүй гэж НҮБ-ын төлөөлөгчдөд ярьсан байна.

 

Эх сурвалж: www.theguardian.com

---