Польшийн Засгийн газрын тэргүүний мэдэгдсэнээр хүчтэй аянга цахиж аадар бороо орсноос дөрвөн иргэн амиа алдаж, 100 гаруй хүн гэмтэж шархаджээ. Хамгийн их гарз хохирол амссан нь улсын өмнөд нутгийн Татра уулсын оргил Евонтод авирч байсан уулчдын групп юм байна. Хохирогчдын дунд бага насны хүүхэд байсныг эх сурвалж мэдээлэв.

Түүнчлэн хөрш Словакт аянганы үеэр нэг хүн амиа алдсан мэдээ байна. Иргэдийн ярьснаар нарлаг сайхан өглөөг угтсан тул хэн ч хүчтэй аянга цахиж цаг агаар муудна гэж санаагүй байна. Гэнэт шуурч уулархаг бүсэд аянга бууж эхэлжээ. Зарим иргэдийг нисдэг тэргээр аварсан байна.

 

 

Байгалийн гамшгийн үеэр хамгийн их хохирол амссан Закопане хотод өнөөдөр буюу баасан гарагт гашуудал зарлажээ.

 

 

Эх сурвалж: www.bbc.com

---