Япон улс БНСУ-ын худалдааны ойрын түнш гэсэн статусыг бууруулж цахилгаан барааны экспортод хяналт тавихаар болсон нь хоёр улсын харилцааг хурцатгав. Токиог шийдвэр гаргасны дараа Өмнөд Солонгосын Засгийн газар цэргийн тагнуулын нууц мэдээллээ Япон улстай хуваалцахаас татгалзаж буйгаа мэдэгдлээ.

Японы Гадаад хэргийн сайд Таро Коно уг шийдвэрийг бүс нутгийн аюулгүй байдлын хүрээнд зүй бус тул Токио эсэргүүцлээ илэрхийлж байна гэжээ. Цэргийн аюулгүй байдлын мэдээллийн хэлэлцээрийн тусламжтайгаар Умард Солонгосын цөмийн хөтөлбөрийг хянаж, зүүн хойд Азийн бүс нутгийн аюулгүй байдлыг сахин хамгаалах зорилготой байсан юм.

100 орчим жилийн түүхэндээ зөрчилдсөөр ирсэн хоёр улсын харилцаа таагүй байдлаар хурцатсанаас Азийн зах зээлд үнэт цаасны ханш буурсан үзүүлэлттэй байна.

 

Эх сурвалж: www.theguardian.com

---