УИХ дахь Монгол Ардын Намын бүлэг өнөөдөр үдээс хойш хуралдаж, Үндсэн хуулийн нэмэлт өөрчлөлтөд оруулах хуулийн төсөлд Ерөнхийлөгчийн өргөн барьсан  зарим заалтыг дэмжжээ. 

Тухайлбал, Олон нийтийн дунд ихээхэн шүүмжлэл дагуулсан УИХ-ын гишүүдийн тоог 108 болгох саналыг 99 байхаар санал нэгджээ. Улмаар сонгуулийн тогтолцоог 76:23 харьцаатай холимог байх, парламентийн гишүүдийн бүрэн эрхийн хугацаа 5 жил байхыг бүлгийн гишүүд дэмжжээ. 

МАН-ын бүлэг Үндсэн хуулийн нэмэлт өөрчлөлтийн төсөл дээр АН-ын зөвлөлтэй  долоон асуудал дээр санал нэгдэж чадахгүй багагүй гацаад бйасан бол ийн нэгдсэн байр сууринд хүрчээ. Ингэснээр маргаашнаас/2019.08.23/ Төрийн байгуулалтын байнгын хороо хуралдаж, улмаар УИХ-ын ээлжит бус чуулган хуралдах боломж бүрдэж байна. 

---