Хятадын технологийн тэргүүлэгч Huawei компанийн санхүү хариуцсан гүйцэтгэх захирал Мэн Ванжоу өнгөрсөн онд Канадын нутаг дэвсгэрт баривчлагдсан юм. Түүний хэргийг Канадын Засгийн газар АНУ-д шилжүүлэхээр зэхэж байгаа ч Мэн Ванжоу хууль бусаар баригдсан төдийгүй, хэргийг нь Вашингтонд шилжүүлэхгүй байхыг хүссэн байна.

Америкийн Засгийн газар Huawei болон Мэн Ванжоу нарыг банкны луйвар, худалдааны нууц хулгайлсан, хориг зөрчсөн зэрэг хэд хэдэн хэрэгт буруутгаж байгаа юм. Гэсэн ч гэм буруутай үйлдэл хийгээгүй хэмээн байр сууриа хамгаалж, Канадын эрх баригчид Америкийн Засгийн газрын хүсэлтээр баривчилгаа явуулж  байцаасан нь хууль бус үйлдэл гэжээ.

Ванкуврын олон улсын нисэх буудал дээрээс өнгөрсөн оны 12 дугаар сарын нэгний өдөр баривчлагдсан Ванжоуг хоёр долоо хоногийн турш хорьсны дараа 7,5 сая ам.долларын барьцаанд сулласан. Гэхдээ түүний биеийн байцаалтыг хурааж Канад улсын нутаг дэвсгэрээс гарахыг хориглосон.

Уг баривчилгаа зөвхөн хувь хүн, компанийн асуудал биш дэлхийн хамгийн хүчирхэг хоёр гүрнийг эдийн засгийн талбарт зөрчилдүүлсэн үйлдэл болсон юм.

 

Эх сурвалж: www.cnn.com

---