Сан Францискогийн олон улсын нисэх буудлыг зорьсон зорчигчид энэ долоо хоногийн мягмар гарагаас эхлэн хуванцар савтай ус ашиглах боломжгүй боллоо. Хэрэв таны ам цангавал усан оргилуур, дахин боловсруулсан сав болон зорчигчдод зориулсан шилэн, хөнгөн цагаан усны савнуудаас сонголт хийх юм.

Тус нисэх буудлын удирдлага хориотой хүнс, үйлчилгээний төрөлд хуванцар савтай усыг багтааснаар 2021 он гэхэд дэлхийн анхны хог хаягдалгүй нисэх онгоцны буудал болохоор бэлтгэж байна. Энэ нь нисэх буудлаас гарч буй бүх хаягдлын багадаа 90 хувийг дахин боловсруулах аль эсвэл бордоонд ашиглах боломжтой гэсэн үг юм.

Хориотой зүйлд багтсан хуванцар савтай цэвэр, хийжүүлсэн, эрдэсжүүлсэн ус зэргийг албан ёсоор худалдах, худалдан авахыг хориглож байна. Харин нэг удаагийн хэрэглээний нэг литр хүртэл хэмжээний аяга, саванд оргилууруудаас үнэгүй ус авч хэрэглэж болно.

 

 

Сан Францискогийн олон улсын нисэх буудал жил бүр 14,000 тн хог хаягдал гаргадаг ба өдөрт 10,000 ширхэг хуванцар савтай ус худалдаалдаг нь жилд дөрвөн сая орчим болдог байна. Ийм хуванцар савнууд байгаль дээр 450-1,000 жил усталгүй оршин тогтнодог.

 

Эх сурвалж: www.cnn.com

---