Сонгинохайрхан дүүргийн 32-р хороо, Эмээлтийн автотээврийн шалган нэвтрүүлэх товчоогоор өчигдөр 84-72 УНК улсын дугаартай ачааны автомашинд иргэн Б нь Булган аймгийн Хялгант сумаас хэмжээ хэтрүүлэн мод тээвэрлэж явсан зөрчлийг тус дүүргийн мэргэжлийн хяналтын байцаагчид илрүүлжээ.

Зөрчил гаргасан этгээдийг Эрүүгийн хуульд заасны дагуу Сонгинохайрхан дүүргийн цагдаагийн байгууллага үргэлжлүүлэн шалгаж байгаа аж. Зөрчлийн тухай хуулийн 7.9 дүгээр зүйлийн 7.9.6-д “Мод, ойн дагалт нөөцийг менежментийн төлөвлөгөөнд туссан хэмжээнээс хэтрүүлэн ашигласан, бэлтгэсэн бол хүнийг гурван зуун нэгжтэй тэнцэх хэмжээний төгрөгөөр, хуулийн этгээдийг гурван мянган нэгжтэй тэнцэх хэмжээний төгрөгөөр торгоно” гэсэн хуулийн заалттай юм байна.

---