Аагим зуны халуун өдрүүдийн нэгт Гренландын Кулусук тосгоны оршин суугчид ямар нэг зүйл хүчтэй дэлбэрэх чимээ сонсчээ. Энэ бол хөлбөмбөгийн талбайтай тэнцэхүйц хэмжээтэй мөс хагарч бутарсан явдал байв.

Энэ сарын хоёрны өдөр Гренландад түүхэнд бүртгэгдэж байгаагүй их хэмжээний мөс хайлсан тухай мэдээлжээ. Ердөө ганцхан хоногт 12,5 тэрбум тн хэмжээтэй мөс хайлж эхэлсэн байна. Энэ бол дэлхийн цаг уурын өөрчлөлт сатаарч болшгүй хүнд түвшинд хүрснийг анхааруулж буй дохио юм.

АНУ-ын сансар судлалын станц НАСА-ын OMG буюу “Далай тэнгист хайлж буй Гренланд” төсөл хөтөлбөрийн эрдэмтэд дэлхийн хамгийн том мөсөн аралд энэ жил очжээ. Тэд Америк, Европт хэт халж агаарын температур нэмэгдсэний дараа мөс хэрхэн хайлж далай тэнгисийн усны температур, хэмжээнд нөлөөлж буйг судалж байна.

Эрдэмтэд дэлхийн хоёрдугаар дайны үед ашиглаж байсан DC-3 онгоцны дахин сайжруулсан загвар BT-57-оор арлын орчимд нисч мөсөн давхаргыг судалжээ. Тэдний тооцоолсноор Гренландад далайн түвшнийг 7,5 метрээр нэмэгдүүлэх хэмжээний мөс бий бөгөөд энэ нь манай гарагийн бүх далай тэнгис, эргүүдэд хамааралтай аж.

Мөн судлаачид Хэлхеймийн дээгүүр нисч байхдаа мөсөн голоос холгүй нуурын ус мэлтэлцэж байхыг харсан нь тэр бүр тохиогоод байдаггүй ховор үзэгдэл юм байна.

 

 

Эх сурвалж: www.cnn.com

---