Онцгой байдлын ерөнхий газраас албаны нохойг эрэн хайх, аврах чиглэлээр сургах, алба хаагчдыг бэлтгэх “АНС-19” сургалтыг зохион байгуулжээ. Сарын хугацаанд үргэлжилсэн уг сургалтаар нохойг эрэн хайх, аврах чиглэлээр сургах, алба хаагчдыг нохойн хөтлөгчөөр бэлтгэсэн байна.

Сургалтын хугацаанд 14 аймаг, нэг дүүргийн 15 алба хаагч, албаны 15 эрэлч нохойг батлагдсан хөтөлбөрийн дагуу эрэн хайх, аврах чиглэлээр сурган, алба хаагчид нохой хөтлөгчөөр бэлтгэгджээ.  Ингэснээр 21 аймаг, нийслэлийн Онцгой байдлын газар эрэлч нохойтой болж, аливаа гамшиг ослын үед  улсын хэмжээнд эрэлч нохойг ашиглан эрэн хайх, аврах ажиллагааг зохион байгуулах боломж бүрджээ.

Өөрөөр хэлбэл, эрэн хайх аврах ажиллагааг эрэлч нохойн тусламжтай гүйцэтгэснээр аврагчдын ажлын бүтээмж нэмэгдэж, цаг хэмнэх олон давуу талтай болох юм. 

 

---