Ойрын хоногуудад дэлхийн нийтийн анхаарлын төвд ороод байгаа Хонконгийг бие даасан тусгай улс мэтээр дүрсэлсэн хэд хэдэн томоохон брэндүүд Хятадын Засгийн газраас хүлцэл өчсөн. Эдгээр компаниудын нэг Австрийн алдартай гоёл чимэглэлийн Swarowski брэнд болж байна.

Тус компани өөрсдийн веб хуудсандаа Хонконгийг Хятадаас тусдаа бие даасан улс мэтээр олон нийтэд харагдахаар мэдээлэл байршуулсандаа хүлцэл өчиж алдаагаа засахаа албан ёсоор мэдэгджээ. Гаргасан алдаандаа бүрэн гүйцэд хариуцлага хүлээх ба Хятадын бие даасан бүрэн бүтэн байдлыг хүндэтгэж дэлхий даяар бүх сүлжээ салбар, цахим хуудастаа засвар хийнэ гэжээ.

Үүнээс өмнөхөн Versace, Givenchy, Coach зэрэг дэлхийд алдартай томоохон брэндүүд мөн Хятадын ард түмэн, Засгийн газраас хүлцэл өчиж Хонконгийг бие даасан тусгай улс мэтээр шинэ бүтээгдэхүүндээ тусгасан учир худалдаанд гаргахаа зогсоосон байна. Эдгээр брэндүүд шинээр үйлдвэрлэсэн богино ханцуйтай цамцан дээр алдартай хотуудыг улс үндэстний хамт бичихдээ Хонконгийг Хятадын харьяа биш гэж үзэн салгаж бичжээ. Мөн Тайвань, Макаог Хятадаас салангид гэж дүрсэлсэн байна.

 

 

Хятадын Засгийн газар болоод ард түмэн үүнд эгдүүцэн бухимдлаа илэрхийлсэн юм. Хонконг, Макао бол нэг улс хоёр системт тусгай бүс бөгөөд БНХАУ-ын бүрэлдэхүүн гэж үздэг. Харин тайваньчууд өөрсдийгөө бие даасан улс гэж хамгаалдаг боловч Бээжингийн эрх баригчид тэднийг нэг мужаа хэмээн мэдээлдэг. Тайванийг барууны орнууд бие даасан улс гэж дэмждэг ч Монгол улсын Засгийн газар гадаад бодлогын хүрээнд Тайваний тусгаар тогтнолыг хараахан хүлээн зөвшөөрөөгүй тул улс хэмээн нэрлэхээс татгалздаг билээ.

 

Эх сурвалж: www.bbc.com

---