- УИХ дахь АН-ын зөвлөл УБ-Дархан, УБ-Налайх чиглэлийн замын асуудлаар ЗТЯ дээр сонсгол явуулж, зам засварын ажлын явцтай танилцжээ. Уг асуудлаараа мэдээлэл хийлээ -

УИХ дахь АН-ын зөвлөлийн дарга Д.Эрдэнэбат:

- Улаанбаатар-Дархан, Улаанбаатар-Налайх чиглэлийн түр замын асуудал иргэдийг бухимдуулж байна. УБ-Дархан чиглэлийн түр зам иргэдийг бүр их бухимдуулж байна. Энэ жил бороо хур ихтэйг ч хэлэх үү тэр замаар явах нөхцөл байдал маш хүнд, эдийн засгийн маш их хохирол учруулж байна. Иргэдийн амь нас, эрүүл мэндэд маш их хохирол учруулж байгаа учир бид энэ асуудалд онцгой ач холбогдол өгөхөөс өөр аргагүй болж байна. Үүнтэй холбоотой асуудлаар Зам тээврийн яаман дээр сонсгол явуулсан.

Хэрэв энэ улс орон иргэдээ боддог бол энэ түр зам иргэдийн аюулгүй байдлыг хангасан түр зам тавих ёстой гэдэг шаардлагыг бид тавьсан. 200 гаруй км замыг засахад 6,5 тэрбум төгрөг төсөвлөсөн нь байж болшгүй зүйл. Энэ мөнгөөр иргэдийн аюулгүй байдлыг хангах зам хэзээ ч тавьж чадахгүй. 11-р сард энэ замыг дуусгана гэж байгаа ч ажлын зохион байгуулалтгүй байдлаас нь харвал 11-р сардаа ашиглалтад орох нь эргэлзээтэй. Технологийн шаардлага, стандартын дагуу хийгдээгүй өм, цөм хийгдсэн нь харагдсан. Ер нь түр замын асуудлыг шийдэхгүйгээр уг замын засварыг дуусгахад хэцүү. Зарим нөхөд тэвчээртэй байгаарай” гээд байх шиг байна лээ. Тэвчээрт хязгаар байдаг.

---