Жүдо бөхийн дэлхийн аварга шалгаруулах тэмцээн энэ сарын 25-31 өдрүүдэд Япон улсын Токио хотноо зохион байгуулагдана.
Дэлхийн 152 орны 891 жүдоч оролцохоор мэдүүлгээ өгөөд байгаа дэлхийн аварга шалгаруулах тэмцээн манай улс эрэгтэй, эмэгтэй тус бүр есөн тамирчин буюу бүтэн багаар оролцох юм. Манай улсаас гадна Япон, БНХАУ, БНСУ, ОХУ, Герман, Бразил, Португаль, АНУ зэрэг есөн орон бүтэн багаар оролцож байна. Мөн түүнчлэн жин жингийн дэлхийн чансааг тэргүүлж буй 13 тамирчин оролцож байгаа нь дэлхийн аварга шалгаруулах тэмцээний шансааг илтгэж буй биз ээ.
Өнгөрсөн жил Бакугийн дэлхийн аварга шалгаруулах тэмцээнд манай улс МУГТ Д.Сумъяа, Л.Отгонбаатар, Ө.Дүүрэнбаяр нар хүрэл медаль хүртсэн ба энэ жилийн дэлхийн аваргаар манай бөхчүүд бахдам сайхан барилдааныг үзүүлж Токиогийн тэнгэрт алтан соёмбот далбаагаа олонтаа мандуулна хэмээн найдаж байна.
Манай сайт дэлхийн аварга шалгаруулах тэмцээнийг шууд дамжуулан үзүүлэхээр ажиллаж буйгаа дуулгахад таатай байна.
Заавал бүтэн баг гэх хэрэг байна уу, зардал мөнгөө хэмнээд амжилт гаргахгүй нь тодорхой зарим нэгийг нь бол болимоор юм даа