21 хүртэлх насны эрэгтэйчүүдийн волейболын дэлхийн аварга шалгаруулах тэмцээн Бахрейн улсын Риффа хотноо зохион байгуулагдаж дууслаа. 

1977 оноос хойш зохион байгуулагдаж ирсэн дэлхийн аварга шалгаруулах тэмцээнд ОХУ 10 удаа түрүүлж хоёр мөнгө, дөрвөн хүрэл медаль хүртсэн амжилтаар дэлхийн бусад орнуудаа тэргүүлдэг хэдий энэ удаад гуравдугаар байранд ч орж чадсангүй. Тэд хагас шигшээд түүхэндээ дэлхийн аварга болж үзээгүй улс болох Италийн багт 3:1 харьцаагаар хожигдон хүрэл медалийн төлөө тоглох эрхтэй болсон юм. Харин хүрэл медалийн төлөө дэлхийн дөрвөн удаагийн аварга, зургаан мөнгө, гурван хүрэл медальт Бразилын багт цэвэр хожигдлоо. Харин Бразил улс дэлхийн аварга шалгаруулах тэмцээнээс дөрөв дэх хүрэл медалиа хүртсэн байна.

Бразил улс хагас шигшээд мөн л түүхэндээ дэлхийн аварга болж үзээгүй баг болох Ираны багт 3:0 харьцаагаар цэвэр хожигдсон байна. Энэ жилийн дэлхийн аварга шалгаруулах тэмцээн дэлхийн шилдэг багуудад халтай, түүхэндээ дэлхийн аварга болж үзээгүй багуудын од нь гийсэн дэлхийн аварга шалгаруулах тэмцээн болж түүхэнд бичигдэн үлдэхээр боллоо. 

21 хүртэлх насны эрэгтэйчүүдийн волейболын дэлхийн аварга шалгаруулах тэмцээний хүрэл медалийн тоглолт болох ОХУ болон Бразилын шигшээ багуудын тоглолтыг бүрэн эхээр нь толилуулж байна.